Aizawl : Chakma District Council inthlang tur atana Congress Party Candidate mi 20 chu Hachhek bialltu MLA Lalrindika Ralte in nimin khan a puang.
Candidate puangtu Lalrindika Ralte chuan, Politics ah hnam leh sakhua a him tur a ni. BJP sorkarin sakhaw pakhat tan an khel a. Chuvangin BJP hi kan sa khua, theuh te a him theih kan hnawl tur a ni, tih sawiin, Mizoram chhunga hnamtin tan Congress a ding nghet ber. Tumah thlei bik a nei ngai lo. Mahni hamthat duha hnam anga in hmuhsitna chawi liana Chakma vote tel lo sorkar din kan tum ti chunga tuna Chakma kan en hrang lo che u, ti thar leh Party ah beisei tur a awm lo, a ti.
Lalrindika Ralte chuan, India ramah Congress a sorkar leh dawn tih sawiin, nakkumah MP thlan tur atan central-ah BJP paihthlak duhna a lian zel a. Tun hnaia in thlang mai tur Karnataka state ah Congress boruak a lian ber a, mipuiin Congress sorkar thar hmuh hlan an nghakhlel a ni, a ti a. Mizoram Mipui te tan Congress party in sorkar tha a pe thuai dawn a ni, a ti bawk.