Aizawl : Tunhnaiah Mizoram boruak a bawlhhlawh zualin khua pawh kum kalta aiin a lum zual hle niin Mizoram Pollution Control Board (MPCB) chuan an sawi.
MPCB-in boruak ba- wlhhlawh dan leh kha- wchin an zirchian thinna atanga a lan danin Ai- zawl khawpui boruak a bawlhhlawh chho nasa hle a, chu chuan sik leh saah nghawng neiin khua pawh a lum zual hle niin a lan thu MPCB chuan an sawi a ni.
Kumin chhung ring- awt pawhin boruak chu a bawlhhlawh chak hle niin MPCB chuan an sawi a. Boruak bawlhhlawh dan tarlanna Air quality index (AQI)-a a lan danin Aizawl-ah kumin January khan AQI 65 a ni a, February leh March-ah 85 kai chhovin, tun thla ni 10 atang phei kha chuan 100 chunglam kaiin 150 vel te a ni chho a, a san ber laiin 216 a kai.
Nikum lam nen kha- ikhinin AQI hi nikum aiin kuminah a sang chho nasa hle tih MPCB chuan an sawi a. Niku- mah a san ber laiin 104 a nih laiin kuminah chuan 216 a kai tawh a, a let aia tamin a pung tihna a ni.
MPCB chuan “tunh- naia boruak dinhmun AQI zat atanga enin level-3 (moderately polluted category)-ah kan awm mek a, a tlangpuiin GOOD category a awm thin kan ni a, engemaw lai phei chuan khawpui boruak fai ber nihna pawh kan hauh kha a ni a, tunah erawh chuan a bawlhhlawh chak ta hle niin a lang” an ti.
Nikum lam nena kh- aikhinin khaw lum dan pawh a danglam chho nasa hle niin MPCB chuan an sawi a. Nikum April-ah a lum lai berin 27.24oC a nih laiin, kumin April-ah chuan 34.16 oC a kai tawh a, nikum nena a san ber lai inthlauhna 6.92oC a nih thu leh a la san chhoh zel rih a rinawm thu an sawi.
Data atanga a lan danin boruaka bawlhhlawh a puna AQI a san apiangin khua a lum zual nia a lan thu MCB chuan an sawi a. Tun thla ni 5 khan AQI 58 a nihin khaw lum dan 25.15oC a ni a, a tuk ni 6-ah AQI 119-ah kaichhovin, khaw lum lam pawh 29.15 oC a nih thu an sawi.
AQI-in san lam a pan hret hret tih pawh sawiin, khua pawhin lum lam a pan ve hret hret zel niin an sawi a. April ni 1, 2023-ah AQI 30 a nih laiin April ni 17-ah chuan 187 (level 3) ni chhoin khaw lum lam pawh 20.27 oC atangin 34.16 oC a kai ta hial niin an sawi bawk.