Manchester City in tun season-ah ‘treble champion’ nih theihna an la nei a. Sheffield United lakah 3-0 in an chak.
Wembley Stadium a Inrinni zana inkhelah Manchester City forward Riyad Mahrez chuan kum 1958 hnua FA Cup semi-final a hattrick hmasa ber a siam a. Blades in theihtawp chhuah mahse Premier League champion lai nen player an inthlau tih a lang.
Blades hian first half-ah chance tha nei hmasa zawkin Iliman Ndiaye chuan goal a khung teuh a, Stefan Ortega in a lo dansak.
Mahse halftime hma deuh a Mahrez-a’n penalty atanga goal a khung hnuah City that zawkna a langsar zual.
A goal hmasa zawk hi Daniel Jebbison-a’n Bernardo Silva a foul avanga penalty a chawi a ni a. Minute 61-naah Blades tlarhnung a awl zau hmu in an goal hnihna Mahrez-a’n amaha ball tlanpuiin a khung.
Minute 66-naah Jack Grealish-a cross chu Wes Foderingham-a goal-ah a khung.
City hi an chungnun avangin tunkar a Arsenal nen an inkhel tur thlirlawkin Erling Haaland, Grealish, Bernardo Silva leh Ilkay Gundogan te an lachhuak hma thei.
Manchester City boss Pep Guardiola chuan goal khungtu Mahrez fakin, “Game lian a ngam a, goal khung duh rilru pu mi a ni. Goal hmahruai a khung kha a pawimawh hle.” a ti.