Aizawl : Siaha-ah District consultative committee/District level review commitee/District level security committee chu nimin khan thukhawmin, Siaha district a bank hrang hrang te hnathawh leh hmachhawpte an thlirho.
Siaha district-a pawisa thir (Coins) lengvel tlem lutukin thil man a tih to bakah thuk takin district economy thlengin a nghawng a nei niin member te chuan an sa- wi a. Pawisa thir leng- vel ti tam tur leh hman uar leh tura hmalakna chikhat atan Coin Mela buatsaih an rel.
Siaha district mipui ten digital banking an uar a tul thu pawh an sawi a. PMJJBY leh PMSBY hamthatna Siaha district mipui ten an chan vek theih nan mipui hnena hetiang lam chungchang zirtirna leh thil tul dangte buaipui turin Siaha district chhunga khaw awmte chu Siaha District Bank 7 ten inchansema tuamchhuak vek turin ruahmanna an siam bawk.
He thutkhawm kaihhruaitu Siaha Bawrh- sap Lalhmunsanga’n sorkar laipuiin bank kaltlangin mipui vantlang hamthatna tur project leh scheme tam tak a duang tih sawiin, hei hi Bank lamin an puanzar that a tul thu a sawi a. Financial Literacy campaign tun aia nasaa kalpui a tul thu a sawi bawk a ni.