Aizawl : Thawhtanni khan Central Bureau of Communication (CBC), Govt.of India, Ministry of Information & Broadcasting, Aizawl Unit bultum in Govt. Luangmual Middle School ah World Environment Day “Mission Life” tih thupui hmangin programme neih a ni a. Mr. Lalginlen Lhouvum, Officer-Incharge, CBC chuan lawmna thu leh programme tlangpui a sawi.
K. Lalmalsawma, Headmaster, Govt.Luangmual M/S chu Khuallian niin, tunlai khawvelin a buaipui sik leh sa World Environment Day hi 5/6/1972 kum General Assembly Sweden Khawpui Stockholm ah din a ni a, vawiin hi a kum 50 na a ni. He World Environment hi buaipui tham a ni a, a thawktu pawlah kan tel thei lo a nih pawh in a ti hnawk pawlah tang lo turin kan in ngenin kan in fuih a ni a ti.
Resource person Vanlalhrima’n “Mission Life” 2022 kum ah hman tan a ni a. Khawvel pumpuiah sik leh sa a danglam chak em em a, chutih rual chuan Mizoramah pawh sik leh sa adanglam chak hle a ni. Mizoram a kan tui tlante a tlem thu leh tawih thei lo polythin leh adang ten kan tuihna te a tih chhiat dan School naupangte hnenah Powerpoint hmangin a hrilh fiah a. Kan ramchhunga ramngaw leh tui hna humhalh a tul tak zet a, Electric leh tuite kan ren chem a ngai a, kan bawlhlawh paih chungchangah pawh kan fimkhur a ngai hle a ni, a ti bawk.