Aizawl : North East India Christian Council (NEICC) leh Baptist Church of Mizoram (BCM) tangkawin Manipur-a Zo hnam peng hrang hrang harsatna tawk te mamawh hrang hrang Rs. nuai 8 hu chu nimin khan Lamka-ah an thawn a. Thilpek te hi Baptist Multipurpose Centre, Falkland, Aizawl atangin BCM Executive Secretary Rev. R. Lalrintluanga’n a vailiam.
BCM Relief & Development Director Rev. L. Vanlalsanga’n a sawi danin, North East India Christian Council (NEICC) leh BCM Relief & Development tangkawpin Manipur buaina tuartu Zofate mamawh chi hrang hrang chu leisakin an thawn a, a sumfaiin cheng engemawzat an pe dawn bawk.
Zofate mamawh phurtute nizan khan Ngopa-ah an riak chhova, vawiinah Lamka lutin, Kuki Baptist Christian Association (KBCA) kutah thilpek te hi an hlan ang.