UFC middleweight champion thin Chris Weidman chuan kum hnih hnuah inelna a hmachhawn leh dawn a, UFC 292-ah a inel leh dawn.
Weidman hian Boston a neih tur UFC 292-ah hian Brad Tavares a hmachhawn dawn a. Kum 2021 a a ke ruh a tih tliah hnua cage chhung a luh leh hmasak ber a ni ang.
Kum 38 mi Weidman hi kum 2021, April 24 khan Uriah Hall nen an inhmachhawn laiin a ke hi a ti tliak a. Zai a nih hnuah a dam chian loh avangin zai nawn leh a ngai.
Nikum khan cage chhung luh theih a inbeisei laiin a inlan thei lova, kumin March khan ‘grappling match’ ah a inel tawh thung.
15-6 MMA record nei Weidman hian kum 2013 khan a zawna vawi 16 chak tawh Anderson Silva hnehin middleweight title a la a. Silva hi hneh nawnin a title hi tum thum a humhim.
A khingpui tur Tavares hi 19-8 record nei niin a zawna vawi hnih tlawm lai a ni ve thung.