Aizawl: Supply Minister K Lalrinliana’n retailer association-in buhfai chhia a awm tih an hnena an thlen bawhzuiin Zuangtuia FCS&CA Department kudam tlawhin a enfiah a, buhfai chhia a awm lo tih a finfiah.
Supply minister hian kudama buhfaite chu a chhe reng em tih a en kual a, kudam block hrang hrang a buhfai Open Market a lei leh FCI buhfai te chu hawlkualin a that leh that loh a enkual a, buhfai hi a chhe lo a ni tih finfiah a ni.
Tunah hian buhfai harsatna avangin buhfai bag satha bag chu phalsak an nih thu sawiin, buhfai harsatna a kian hunah buhfai bag pangngai saiip bag chu lak a nih leh tur thu Minister Rintea hian a sawi a ni.
Minister chuan Zuangtui kudam Inspector pahnih HS Lalramchuana leh Vanlalhruaia te chu buhfai chhia supplier ten an rawn phur a nih chuan reject hmiah hmiah turin a chah.
Inspector te pawn Minister sawi anga buhfai chhia chu an thawn let teuh tawh thu leh a theih chin chinah an fimkhur thu leh retailer te pawh buhfai chu a tam tham avanga hawlh vek sen a nih loh avanga achhia an lo la palh a nih pawh a mipui hnena sem lo a rawn thkeng leh tur a an chah thin thu an sawi a ni.