UFC hmeichhe rihna huang hnih a champion Amanda Nunes chuan Pathianni zingah amah chotu Irene Aldana a hneh a. Mixed martial arts atang a chawlh thu a puang nghal.
Vancouver a UFC 289-ah Nunes hian a bantamweight title inchuhin amah chotu Aldana hi round nga chhungin a hneh a. A khingpui thununtu zawkah tangin hmeichhe fighter zinga ropui bera chhal hian a tan chawlh a hun tih a sawi a. “Ka tan zanin hi chawlh hun chiah a ni. Weight hnih champion hi ka ni reng tawh ang.” tiin a sawi.
UFC featherweight champion ni tel Nunes hian a bantamweight title chhuhsak tawhtu Julianna Peña nen a vawithumna atana inhmachhawn tur an nihlaiin a inhliam avangin Aldana zawk hi a hmachhawn ta a ni.
Co-main event-ah lightweight champion hlui Charles Oliveira chuan UFC chanchin a ‘finish’ ngah ber ni turin Beneil Dariush a knockout bawk.