Khawvel mak tih tling tura Premier League a Leicester City champion puitu coach Claudio Ranieri chuan Italian club Cagliari chu season thar a Italy a league sang ber Serie A khel turin a tlinpui.
Cagliari hi league-ah pangana niin promotion playoff final-ah pathumna Bari nen an inkhel a. First leg ah 1-1 a inhnehtawkin second leg-ah hian 1-0 in an chak.
Italian striker tawnhriat nei tha Leonardo Pavoletti chuan huntawp dawnah an chakna goal a khung.
Kum 71 mi Ranieri hian January thla khan a vawi hnihna atan Cagliari hi a enkawl tan a. Club a zawm tirh khan pakuana niin a hnuaiah Serie B league match 19 atang vawi hnih chiah an tlawm.
Cagliari hian playoff final khel turin Venezia leh Parma te an hneh a. Serie A atanga an tlak hnuah season khat chiah Serie B-ah hian hmangin an kir lehnghal dawn a ni.