Deputy Chief Minister Tawnluia’n nimin khan khual khua atanga damlo leh a aw- mpuitu a duh apiang tana thlenna tur Khualbuk, Patient Attendants’ Shelter, Khawzawl Din- thar Veng-ah a hawng.
Tawnluia chuan da- mlo leh anmahni awmpuitu harsatna tawk te thlenna tur hmun tha tak Khawzawla hlawh- tling taka buatsaih a ni leh hman theih tura hawn fel a ni ta chu lawmawm a tih thu a sawi a. A sakna tur ram petu Sub-Hqrs. MHIP Khawzawl chu- ngah lawmthu a sawi.
District thar nih hnua Khawzawl District-in hmasawnna hmel thar a hmu thin chu lawmawm a tih thu pawh Tawnluia chuan sawiin, hengte hi District-in a ken zel a ni a, District naupangte ni mah ila hma kan sawn chho zel hi a lawmawm hle a ni, a ti.
Tawnluia chuan mipuiin kan inhman- tawm vantlang building leh bungruate a chhe duh deuh bik nia a hriat thu sawiin, mipuite chu vangtlang thilte neitu thinlung pu chunga enkawl tur leh dim thiam turin a chah a. Khawpui tihthianghlim leh vawnfai ka- wnga Khawzawl MH- IP in tha nasa taka an thawh thin chu fakawm a tih thu sawiin, MHIP hruaitute chu khawfai leh khaw thianghlim ni zel thei tura faina ka- wnga hma la chhunzawm zel tur leh hma- hruaitu ni chhunzawm zel turin a sawm a. Patient Attendants’ Shelter chu Khawzawl Di- strict mipui leh a mamawhtu apiangte’n ta- ngkai taka an hman theih nana duhsakna hlanin a hawng a ni.
Patient Attendant’s Shelter, Khawzawl hi UD&PA hnuaia Deendayal Antyodaya Yojana-National Urban Livelihoods Mission (DAY-NULM) fund Rs 53,35,090/- senga sak niin, September ni 13, 2021 khan bultan a ni a. Sub-Hqrs. MHIP Khawzawlin a hmun tur ram an pek bakah building sak hna hi an thawk a, inremna siam angin a enkawl chhunzawm zel hna pawh hi an thawk dawn a ni.
He building hi Mi- zo pa chhiara chhawng thum niin chhawng khat zau zawng square feet 1,250 a ni a, reception counter, councelling room, kitchen, lounge, recreation ro- om, caretaker room, dormitory mi 10 riah theihna khum 10 awm- in room tinah hian toilet dah vek a ni a. Mut- bu leh eirawngbawlna hmanruate thlenga dah a nih bakah solar heating system, solar inverter leh thil pawi- mawh dangte he buildin sak tharah hian a awm bawk.
Shelter for Urban Homeless (SUH) ink- aihhruaina dan dinglai angin a enkawl zui zel nan kum 5 chhung operation and maintenace fund (O&M fund) khum khatah kum khat atan Rs 12,000/- zel pek thin a nih tur thu sorkar thuchhuahin a tarlang.