Ultimate Fighting Championship chuan a hnuaia welterweight fight ngaihven hlawh tur a thlen tir dawn a. Title chuhtu zinga tel fo Geoff Neal leh hmasawn chak tak Ian Garry te August thla hian a intum tir dawn.
Boston a neih tur UFC 292-ah an intum dawn tih Garry hian a sawi.
Kum 32 mi Neal hi welterweight rankings-ah pariatna a ni mek a, vawi 15 chak a, vawi nga tlawm tawh a ni a. March thla khan UFC 285-ah a tlawm a, hnehna chang a record a tlawm awm chu a nawhreh a tum mek.
Kum 25 mi Irish fighter Garry hi professional mixed martial arts-ah vawi 12 inlan atanga hnehna la chang vek a ni a. Kuminah vawi hnih inlan tawhin UFC 285-ah Song Kenan chu TKO in a hneh a. May thla khan Daniel Rodriguez chu TKO bawkin a hneh.
Welterweight rankings-ah 13-na a ni ve mek bawk.