Sere A champion Napoli chuan an head coach thar atan Rudi Garcia an lakluh thu an puang.
Kum 59 mi French coach hian Spalletti a thlak a. Italian coach hian May thla khan kum 33 hnua a vawikhatna atan Napoli hi Scudetto lakpui mahse kum khat chhung coaching atangin chawlh hahdam a tum thu a sawi.
Garcia hian a thlak tak Spalletti ang thovin Italy-ah hian hna thawkin AS Roma a enkawl tawh a. France-ah club lian Olympique Marseille leh Plympique Lyonnais te enkawl tawh bawkin Lille a enkawl laiin league leh cup season khatah a chawipui tawh.
Garcia hian nikum khan Saudi Arabia club Al Nassr a enkawl a, Cristiano Ronaldo-a’n club a zawm a a coach a ni a. April thla khan Garcia hian club hi chhuahsanin Ronaldo nen hian an inkar a tha vek lo nia sawi a ni hman.
Napoli neitupa Aurelio De Laurentiis chuan, “Tunhnai ni 10 chhunga kan inhmuh a kan inbiak hnuah Rudi Garcia hi Napoli coach thar a ni dawn tih phur takin ka puang thei ta e.” tiin a puang a. “Kan club-ah ka lawm lut a, duhsakna ka hlan.” a ti bawk.
Garcia hian Napoli-ah hian kum engzat contract nge a ziah hriat a ni lo.