Kumina film liantham ber tihngam ‘Adipurush’ chuan cinema hall a luhchilh ta a, mipui lamin an hlut. Nikhat thil thu-ah cheng vaibelchhe 100 a lalut a, record thar a siam zui. Mahse, nimin lamah a tla hniam zui a, film-a tawngkam hman thenkhat bakah sawiselna dangte vangin boruak lian tak a zuzi mai ang em, tih chu hunin a hril ang.
Filmstar Prabhas, Saif Ali Khan leh Kriti Sanon te channa hi critic lamin chirh theh deuh mah se, cinema hall lamah erawh tlangzarh ni khan mipui a kokawm hneh hle.
Director OM Raut-a siam hi khawvelpumpuiah tlangzarh ni khan cheng vaibelchhe 133 chuang lalutin, Hindi bikah cheng vaibelchhe 40 a pel bawk a. Telugu Vbc 50 leh tawngdang atangin vaibelchhe 8 chuang a lalut a ni. Tualchhung market atanga a laklut ringawt pawh hi nikhat ni khan cheng vaibelchhe 98 a tling tihna a nih chu.
Heti hian Prabhas channa film pathumin cheng vaibelchhe 100 a hlawhchhuak ta vek a, Baahubali 2 leh Saaho te nen record ropui tak a siam ta.