Aizawl : PC Party President Vanlalruata’n kumina MLA inthlan lo awm turah BJP an tlin loh na turin party hrang hrang thawhho a ṭul niin a sawi.
Vanlalruata chuan PC party innghahchhan chu ‘Kan ram, kan hnam leh kan sakhua a him tur a ni’ tih a nih thu sawiin, an ngaipawimawh hle tih a sawi a. Ram leh hnam leh sakhaw innghahna lungphum sawiṭhiah tumna eng pawh an do zel tur thu sawiin, BJP chet dan hrang hrang enin, an party innghahna lungphum ṭhiah tumna nia an ngaih thu leh dodal ṭul an tih thu a sawi.
PC President chuan BJP an tlin loh na tura bei turin an party chakna mai a tawk lo tih sawiin, “kan ram, kan hnam leh sakhaw humhim nan party hrang hrang kan ṭanrual a ṭul a ni”, a ti.
India hmarchhak state zingah Mizoram state chu Lotus la par chhuah hleihtheihlohna awm chhun a tih theih thu sawiin, Vanlalruata chuan “kan vannei hle” a ti a. BJP-in chawr chhuah tumin hmasawnna hmathehin chak takin an bei mek nia sawiin, “kum 30 chuang kaltaa Pu Ṭhena’n kan ram hmasawnna tura hmathlir a lo neih tawh kha vawiin thlenga kan mamawh bul leh hmasa- wnna tluantling kan neihna tur a ni” a ti bawk.