Washington Wizards chuan an All-Star guard Bradley Beal chu Phoenix Suns hnenah an kal tir dawn a. Player trade a inremna an tifel thuai dawn.
Suns hian Beal lalut turin veteran point guard Chris Paul bakah Landry Shamet leh second round pick engemaw zat Wizards hnenah hian an pe dawn a. Wizards in Beal bakah an trade a inremna a awm theih nan guard Jordan Goodwin leh forward Isaiah Todd te an pe tel ang.
Inremna hi tunkarah tihfel tura ngaih a ni a. Phoenix in tun season lo awm turah ‘big three’ thar an nei dawn a. Devin Booker, Kevin Durant leh Beal te an team innghahna pathum an ni dawn.
Hetihlai hian Wizards in tunkar chhungin Paul kal theihna tur hi an la ngaihtuah leh dawn a. Team dang nen inremna neih tel an huam a, Paul hian Playoffs khel thei tur team a zawm theihna a ni anga, Wizards tan team insiksawi tura roster leh salary cap tih thawlna a ni ve thung ang.
Team dang inremna neihpui theih an awm lo a nih chuan Wizards hian Paul-a contract la neih hi pek tlak a free agent nih tir an hnial lo.
Beal hi kum nga contract a ziah atanga kum khat chauh la hmang a ni a, Dollar maktaduai 207 manhu contract la nei a ni. Hei vang hian Phoenix hian an team siksawi viau a, Deandre Ayton emaw player langsar thenkhat an chhuahtir a la ngai dawn niin a lang.