British band Coldplay hian Singapore rama concert ticket hralh hnem ber record chu nimin piah khan an siam.
‘Music of the Spheres’ tour pui takin Asia khawmual an hrut turah January 23-27, 2024 hian Singapore National Stadium-ah Coldplay an inlan dawn a, tour khuhhawnna a ni nghal ang.
Concert ticket hi thawhtanni khan live kaltanga zawrh tan niin, darkar 24 ral hmain ticket 200,000 chuang hralh zawh a ni.
Heti taka ticket hralh a nih vang hian ni hnih dang atana ticket hralhzui lehnghal a ni a, hei pawh hi darkar 3 chhung lekin a zo duak.
Coldplay hian kumin November atanga tanin Asia tour an kalpui dawn a, Tokyo-ah ringawt pawh hmun thahnem takah an inlan ang. Sole-out vek a ni!