Aizawl : PC party thalaiin Aizawl East I viltu PL Liandinga inhnuhdawh chhanah thu belhchian dawl sawi turin ZPM party an phût.
PC thalai chuan Aizawl East I bial vil tura ZPM-in an ruat P.L Liandinga’n ZPM party hotu ten inhnukdawk tura an ngenna avanga Mizopa taka inhnukdawk ta nia a sawi laiin, June 21, 2023-a ZPM thuchhuah chuan PL. Liandinga’n ziaka inhnuhdawh a dil avanga inhnukdawk a nih thu an tarlang thung niin an sawi a. PL Liandinga inhnuhdawh chhan dik tak sawi turin ZPM party chu an phût a ni.
Zoram mipuiin ram hruai inhuam political party te aṭangin thu tak leh belhchiandawl an beisei tawh tih PC thalai chuan an sawi a. Party pakhat aṭanga thu inmillo, mipui tiluhai thei ri chhuak ṭhin chu pawi an tih thu sawiin, mipui thamlohna leh palzutnaa an ngaih hial thu an sawi bawk.