Mithiamte’n an sawi danin, nupui/pasal inneih hmâa awmdun (living together) hi a hnu maia inthenna tihluartu leh a kaikuang lian ber a ni a. An lo awmdun tawhna hian boruak tha lo leh duhawm lo a chhawm tel a, kum tam pawh a liam hmâin thenna kawl a lo eng ta thin an ti.
An va tam em!
U.S Census Bureau atanga a lan danin, U.S ah khuan innei si lova awmdun chhungkua hi maktaduai 5.5 an awm mek a. Heng mite hian nupa inkar leh chhungkaw thil tak taka hi an sawidun ngai meuh lova. Buaina leh harsatnaah pawh thinlung leh tih tak zeta chinfel duhna pawh an nei lem lo hle tih a ni.
CWA (Concerned Women for America) pawhin, ‘Mi tam takin inthen an hlauh avangin awmdun mai an thlang zawk a. Amaherawhchu, hetianga an kalpui hian an kawppuite nen boruak duhawm lo leh tha lo zawk-ah an insuanchho hret hret zel tih an hrethiam lo. ‘Nupa inthenna lo tam ta lutuk chinfel nana awmdun hi chhanna tling a ni lova, a chinfelna a ni hek lo.
Hei zawk hi a ni
‘Nupa kawpchawi leh duhawm tak ni tur chuan, inhriatthiam tawnna te, inbiakpawh thatna te, mahni inphatna te, rilru leh thinlung zawng zawnga inpekna leh inhlanna te hi a pawimawh ber a, awmdun hi chhanna tling a ni ngai lo,” tiin thuchhuah an siam.