Indian Prime Minister Narendra Modi leh US President Joe Biden chuan White House-ah Modi kaihhruai sorkarna hnuaia mihring dikna chanvo palzut a nasat chungchang zawhna an tawng dun a, hruaitu pahnihte hian an thawhhona nghet tak chu an fak dun bawk.
United States tlawha zin mek, Modi-a leh Biden-a hian Ningani khan reilo te chhung thuthar lakhawmtute an kawm a, zan lamah White House-ah zanriah buatsaih a ni bawk.
“Prime minister leh kei hian mipui rorelna hlutna chungchang tam tak kan sawi dun,” tiin Biden-a hian a sorkarin Modi-a rorelna rama dikna chanvo palzut chungchanga an zawhna chu a chhang a. “Mipui rorelna ram ve ve kan ni a, kan ram nihphung a inang a. Kan mite, kan dai chin, kan khawsak dan leh kan duh loh zawng thilte pawh inhnialna siam thei a ni,” a ti.
“Chu chu American-te nihna (DNA) a ni a, kei chuan India DNA nen hian kan pahnih hian mipui rorelna ram kan nihna hi hlawhtling takin kan ken reng ka ring,” a ti bawk.
Mihring dikna chanvo humhalhtu pawl tam takin Modi-a sorkar hnuaia duh duh sawi theihna, hnam tlem zawkte tihduhdahna leh mi dang nepchepna a tam tih an sawi chungchang an zawhna chu Modi-a chuan an sawiselna chu ‘mak’ a tih thu a sawi.
“Mipui rorelnain a tih theih hmangin kan finfiah vek thei. Hemi ka sawi hi chi, hnam, sakhua, hmeichhia leh mipa tih bikna awm lo a ni a, engmah inenhranna awm lo tihna a ni” a ti.
“Mipui rorelna chungchang i sawi a nih chuan mihring hlutna awm lo, inpuih tawnna awm lo a nih chuan mipui rorelna a ni lo a ni mek,” tiin Modi-a hian zawhna a dawn khât tak a dawn chu a chhang.