Higher & Technical Education Minister Dr. R. Lalthangliana’n nimin khan Hnahthial-a Government Secondary leh Higher Secondary Hnahthial School-te hnenah ‘Smart Interactive Panel for Smart Classroom’ semna a hmanpui.
Dr R Lalthangliana hian tun laiah technology a sang tawh a, tuna Smart board an sem hi ho mai maia hmang lo va, rilru nei tak leh tumna tak tak nena hmang tangkai turin zirlaite a chahin, “Tunlai technology hi a diklo zawnga hman chuan chhiat vek theihna a ni a, hman dik erawh chuan hmasawnna ropui tak min thlen theitu a ni,” a ti.
Smart Board hi Lunglei District-ah pasarih chauh sem a ni a. Aizawl district-ah 29 sem a ni a. Hnahthial district-ah Government Higher Secondary school 10 awmte chuan an dawng kim vek thung.
Computer pakhat hi Rs 3,50,000 man zel a ni.