- Lallunghnema, Charity Lodge
Kum 1962 khan USA President John F Kennedy chuan US Congress-ah Consumer right bul thut pali ( four basic consumer rights) a puang chhuak a.Heng consumerte dikna leh chanvo (rights) 4-te hi tun thleng hian khawvel pumah a lar em em a.Ram tam tak chuan Consumer law tiin dan huang chhungah an seng lut hial a ni.
Khawvela dikna leh chanvo lar ber zinga mi an ti hial a ni.
Chu’ng Consumer-te Dikna leh Chanvote chu hengte hi an ni.
- The Right to safety
- The Righr to be informed
- The Right to be heard
- The Right to choose
I thil lei chu a him dam tur a ni.
I thil lei chu i hre chiang tur a ni.
I harsatna chu ngaihthlaksak i ni tur a ni.
I duh i thlang thei.
Mi zawng zawng consumer kan ni. Sapho pawh, Vaiho pawh consumer an ni vek.
The Consumer Protection Act 2019 hmang hian heng a chunga mite hi kan chhawr tangkai thei a ni.
He a thusawi hmingthang tak avang hian JF Kennedy hi a lar phah hle a. Cuba thliarkara Soviet Union-in Missile a dah chungchangah pawh J.F.Kennedy – a khan First Secretary of the Communist Party of Soviet Union Nikita Krushchev-a kha a vau dai hial a ni.
Tun thlenga khawvela thusawi ropui ber zinga mi la ni fan leh ram veitute sawi chhawn nasat ber chu “Ask not what your country can do for you – Ask what you can do for your country,” tih hi a ni a. Mizo tawng chuan, “I ramin eng nge a tihsak theih che zawt lo la. I ram tan engnge i tihsak theih zawt zawk rawh,” tihna a ni awm e.
He thusawi hi thusawi ropui a ni takzet a. Consumer justice a au chhuah pawh hi ropui tak a ni. Khawvel daih a ni ngei ang.
J. F.Kennedy kha consumer ropui ber zinga mi a ni tih hi phat rual a ni love. Mizoram buai hma daih tawh khan a lo kawnsumar reng tawh alawm le! America President J.F.Kennedy kha i ngaisang a nih chuan consumer protection hi ngainep lul suh.