Film ngaihvenhlawh tak tur ‘Emergency’ chu November 24, 2023 hian tlangzarh a ni dawn ta a. India politics lipui chawknu thei khawpa boruak duhawm lo tak thlenna kha thu muhnu tam tak a kaihthawh leh beisei a ni.
Bollywood star Kangana Ranaut channa film hian engti ang takin nge nghawng a rawn neih leh dawn tih hriat ni lo mah se, thawm na tak a rawn luhpui dawn tih a chiang reng mai. Kangana hi prime minister hlui Indira Gandhi lemah a chang dawn.
Mipui rorelna venghimtu nge Lal hrawttu ni ang, tih chungchangah inhnialna tawpin tak a nei thei lova, India political history-a thil duhawm loh tak mai, ram hruaituin a mipute laka indo a puanna ni bawka sawi hi theihnghilh theih a ni ngai lovang.
Gandhi khan June 25, 1975 atangin March 21, 1977 thleng khan ‘Emergency’ a puang rup mai a, thla 21 chhung khan mipuite zalenna, dikna leh chanvo dik takte chu Dan khauh tak hnuaiah rahbehin a awm.