Aizawl : Principal Distribution Centre (PDC), Luangmual Lungleia Digital Weighbridge chu Inrinni khan Lunglei HPC Vice Chairman Lawmawma Tochhawng-in a hawng.
Digital Weighbridge hi computer hmanga buhfai leh thil dang phurtu a motor chawpa bukna khawl a ni a. Lunglei HPC Vice Chairman chuan PDC Luangmuala Digital Weighbridge thar chu hmasawnna lawmawm tak a nih thu sawiin, “he weighbridge tipuitling tura hmalatu FCS&CA Minister Pu K. Lalrinliana leh a thawhpuite chungah lawmthu ka sawi a ni” a ti.
Ram changkang apiangah consumer-te dikna chanvo ngaihpawimawh a nih thu sawiin Lunglei HPC Vice Chairman chuan, PDC Luangmuala digital weighbridge chu consumer rights tihhmasawnna kawnga hmanraw pawimawh tak a nih chhoh ngei a beisei thu a sawi bawk.
Sorkar thuchhuahin a tarlan danin Digital Weighbridge pakhat leh a bunna man hi Rs. 10,84,420 niin, SEDP atanga ruahman a ni a. PDC, Luangmuala Digital Weighbridge bun hi Leotronic Scales Private Limited, Amritsar, Punjab te siam niin, quintal 600 a rit thleng buk theihna a ni.