Kum 19 mi rawlthar pakhatin a bialnu kum 17 mi a ru bo va, an chet dan video hi social media-a a dah hnu lawkah a thianpa nen Maharashtra-ah Nagpur police-te’n an man.
Thil tisuala puh, Sameer Khan Salim Khan hian leh a bialnu hi kum 2019 khan an thiante atangin an inchhar.
An inngaizawn hnuah TikTok-ah video hrang hrang an dah dun thin tih police officer pakhatin a sawi.
Khan-a hian he hmeichhia hi mipat hmeichhiatna pawh hmanpuiin nupuia neih hial pawh a lo tiam tawh thin tih FIR-ah a lang.
Mahse, hmeichhia hian mi dang nena inkungkaihna nei nia Khan-a hian a rinhlelh vangin an inkar boruak a chhe zui a ni.
June 18 khan Khan-a hian thianpa, Shakin Mohd Siddiqui (25) puihnain a bialnu hi Kamal Chowk-ah a bike-ah a phur lui niin police chuan an sawi.
An inru bo lai hi video-ah lain a instagram account-ah a dah a. Hmeichhia hi Vita Bhatti hmunah hruaiin a khawlo zawnga hnuaichhiahin kutte a thlak thin a. Pawikhawihtua puh hian thah hial pawh tum a; mahse, a tlan chhuak thei ta a ni.
Tualchhung mite chuan he inrukbona hi twitter hmangin city police-te an hriattir a, an man ta a ni.