La Liga champion Barcelona chuan defender Inigo Martinez chu free transfer in an lakluh thu an puang.
Kum 32 mi hian Athletic Bilbao a contract a hman zawh hnuah Barcelona hnenah hian kum hnih contract a ziak a, Ronald Araújo, Andreas Christensen, Jules Koundé leh Eric García te nen khelhna hmun na inchuh ang.
Barca hian nikum nipui khan Martinez hi lakluh an tum tawh a, Athletic lam nen hian a man chungchangah an inrem thei lo. Spain defender hian a contract ziah belh lovin free agent a nih hnuah Catalonia a pan ta a ni.
Tun season liamtaah Barcelona in hlawhtlinna an neih theih chhan hi an defence nghet tak vang a ni a, league match 38 atang vawi 26 an goal an venghim thei.
Nimahsela head coach Xavi Hernandez chuan centre-back vei khawr a duh a, tin a defender neih tam zawk an la naupan avangin tawnhriat nei hnem tawh a duh.
Martinez hian Real Sociedad leh Bilbao tan La Liga-ah match 357 a khel tawh.