Indian football team in kar thum chhunga a tum hnih nan zan duhawm an tawng a. Penalty shootout-ah Kuwait lakah hnehna changin Bangabandhu SAFF Championship 2023 trophy an la.
Bengaluru a Kanteerava Stadium-ah Thawhlehni zanah India leh Kuwait in final an khel a. Hun pangngaiah India tlawm tur chhanchhuak turin India a player tha chawimawina zawng zawng hui tu Lallianzuala Chhangte chuan minute 38-naah an si phurh a sut.
Hun pangngaiah 1-1 a inhnehtawkin hun pek belhah pawh goal a lut lo.
Penalty hmanga chak zawk zawnnaah India tan Sunil Chhetri, Sandesh Jhingan, Lianzuala leh Subhasish Bose ten an khung. Udanta Singh chuan pet goal lo mahse Kuwait tan Abdullah chuan goal bar a pet per bakah India goalkeeper Gurpreet Singh Sandhu chuan Kuwait captain Haijah pet goal tur a dansak.
India hi SAFF Championship-ah vawi 9 an hlawhtlinna a ni a. Thla hmasa khan Intercontinental Cup-ah an champion tawh bawk.
Thawhtanni a AIFF Player of the Year dawngtu Lianzuala tan zan duhawm a ni a. India rinrawl thar ber hian, “Ka tan chuan ni duhawm tak a ni. AIFF in chawimawina hlu tak min pek avangin ka lawm a, ka tan huntha tam tak min siamsak bawk.”
“SAFF Championship khel tur hian kan inbuatsaihna a nasa a, hei vang hian kan champion hi thil mak a ni lo.” tiin an hlawhtlin hnuah a sawi.
Lianzuala hi nimin khan Mizoram panin a lo haw nghal a. Lengpui Airport-ah Mizoram Football Association chuan hmuhna hun an buatsaih.