Jammu & Kashmir Union Territory-ah nimin khan firfiak 1 kah hlum a ni.
North Kashmir-a Baramulla district-ah, Sopore-a Reban vengah venhim hna thawktute nena an inkahnaah kah hlum a ni a. Inkahnaah hian Sopore police, Army-a 22 RR leh CRPF an tangho va, Reban-ah hian an tawm tih thu an bawhzuina a ni.
Joint team hian an tawmna chu an hual a, firfiakte hian an kap hmasa a, an chhang let ve a. An kah hlum hi tu nge a nih erawh an la hre thei lo.
Tun hnaiah Jammu & Kashmir-ah hian firfiak leh hel chetla thawm hriat tur a awm leh zauh zauh tawh a, venhim hna thawktute pawh inringin an thu dawnte bawhzuiin beihpui pawh an thlak nasa hle a, hlawhtlinna pawh an chang nual.