President Xi Jinping chuan politics thila inchuhna lian tak awmna, Tibet chu a tlawh a, kum 30 chhunga Chinese hruaituin a tlawh hmasak ber a ni.
President hian July 21-22 khan a tlawh a; mahse, sorkar thupuangtute chuan Zirtawpni khan an puang chiah.
China hian ram kilkhawr, Buddhist sakhaw zuitu tamna ram hi an nunphung leh an sakhaw zalenna rah behsak a tum nia puh thin a ni.
Beijing erawh chuan puhna hi nasa takin a pha.
Sorkar broadcaster CCTV-in video a tihchhuahah chuan Xi-a hian amah thlahtu, Tibetan hnam incheia incheia Chinese hnam puanzar vaitute chu thlawhnaa a luh dawnin a vai let tih a lang.
Tibet chhimchhaka Nyingchi-ah tum hmasa berin hmun eng emaw zat a tlawh a, khawpui tihhmasawn dan turte a en.
An khawpui, Lhasa relkawng sang taka awm zawhin a pan bawk.
Lhasa-ah hian Tibetan spiritual leader Dalai Lama chenna, Potala Palace pawh a tlawh.
Advocacy group International Campaign for Tibet chuan khawpuia chengte hi Xi-an a tlawh dawn avang hian an awm dan a danglamin en uluk pawh an ni hle niin Ningani khan a sawi.
Xi-a hian kum 10 kal ta khan, vice-president a nih laiin a lo tlawh tawh a. Chinese hruaitu tlawh hnuhnung ber chu Jiang Zemin niin kum 1990 khan a tlawh.
Sorkar thupuanna chuan Xi-a hian hnam bil thil leh sakhaw thila hna thawh ngai te, Tibetan nunphung humhalhna tura hmalaknate a en niin a tar lang.
Ram danga Tibetan tlanchhia tam tak chuan Beijing hian an sakhua chu tihboral a tum niin an sawi thin.
Ram pakhat anga a awm ve reng hnuah China hian kum 1950 khan sipai dahin an ram angin a chhal tan a. Tun thlengin a la awm zui ta reng a ni.