India ram hun hrang hrangah tunlai hian Mitna hri a leng mek nia hriat a ni a. He hrileng laka mipui te fimkhur lawkna leh himma turin Health Department chuan thuchhuah a siam.
Health Department thuchhuaha a lan danin India ram state tam takah mit natna Conjunctivitis (mitsen ru- m) a leng nasa hle a, Mizoram ah pawh a rawn thleng ve tawh a ni.
Tih tur (Mit tih thianghlim nan leh mit natna leng tur ven nan) Mitthlawr hma leh mit ek inchar a awmin tui chhuanso lum pip pep in hruk tur; Tui lum chhuanso a awm mai loh chuan tui thianghlim in tlak hman tur; Mitthlawr hmain kut silfai thin tur; Rawm- awl thianghlim, tissue, towel fai hmang chau- hin mittui hruk tur.
Pawn chhuah naah tarmit dum bun thin tur; Kut silfai that tur; Mit Doctor emaw Me- dical Officer hnenah inentir vat tur.
Tunlai antibiotics damdawi thenkhat Mo- xifloxacin leh Tobram- ycin te hman kher a ngai lo. Heng antibiotics damdawi hman nasat hian taksa ralveng khawl a tihniam a, nakin zelah mit vanga harsatna neih te enkawl hleihtheihlohin a awmtir thei.
Antibiotic hman nasat hi tunlai buaina thar niin damdawi hnathawh tur thawhtir theilo in thihna hial te pawh a thlen thei.
Steroid mitthlawr chu a nazawnga hman loh tur, Steroid tenau deuh te pawh Doctor te leh Ophthalmologist/ Medical Officer te thu lo chuan hman mai mai loh tur.
Damdawi dawr ah mitthlawr duh duh lei mai mai loh tur, Damdawiin hnai ber pan thin hmasak tur; Mit nuai loh tur; Lukham leh towel te chhungte nen inhmantawm loh tur, abikin naupang nen; Naupang mit sen rem rum leh mittui tla reng a nih chuan sikul kai tir loh tur; Mit a sen rem rum a nih chuan zinchhuah leh vantlang punkhawm naah kal loh tur; Ramhnim damdawi leh thei tui te hman mai mai loh tur.