June thla chawhnu lama World Muaythai Championships 2026 neih turah Mizo tlangval, Isaac Lalchhuanawma chu India aiawhin a inlandawn.
Kuala Lumpur, Malaysia-a June 16-29 chhunga neih tur inelnaa India aiawh tur, Isaac-a hi Aizawla Chanmari Venga cheng hi United Muaythai Association – India-in ram aiawha tel tur a thlan chhuah zingah a tel a ni.
Isaac-a hian January thlaa Hyderabad, Telengana-a 7th UMAI Senior National Muaythai Championship 2026-ah -71kg (U-23)-ah gold medal a la a. World Championship-ah pawh he huangah hian India aiawhin a inlan dawn a ni.
World Muaythai Championships-a tel tur hian ram hrang hrang 100atangin an inziak lut tawh a, Muaythai player tha ber ber an inlan ang.
Malaysia-a inelnaa a tel theih nana sum leh pai mamawhte chu Mizoram State Sports Council (MSSC)-in a phuhruksak avangin Muaythai Association of Mizoram (MAM) chuan lawm thu a sawi a, an player feh chhuahna turah hlawhtlinna chang ngei turin duhsakna an hlan bawk.