US Open hmeichhe singles champion lai Iga Swiatek chuan a trophy humhim tura a beihna kawngah a hlawhtling dawn lova, Jelena Ostapenko chetthat lai tawngin round of 16-ah a tlawm.t
Seeded number one nihna chang Swiatek hian 3-6 6-3 6-1 in seeded number 20 Ostapenko hi a hneh lo.
Kum 2017 French Open champion Ostapenko a kheltha tak zet a. Ani aia rinkai zawk Swiatek lakah a huaisen a, a nawrtu zawkah tang fovin ball vuak dik atanga point hmuh vawi 31 a nei a. A khingpui a nawr nat avangin Swiatek hian tihsual a nei hnem.
Quarter-final ah hian champion tura rin zinga mi tualchhung player seeded number six Coco Gauff a hmachhawn leh ang.
Gauff hian kumin US Open a ‘comeback’ thawnthu ngaihnawm nei Caroline Wozniacki chu 6-3 3-6 6-1 in a hneh ve thung.
Mipa inelna lamah Novak Djokovic chuan Croatian qualifier Borna Gojo chu 6-2 7-5 6-4 in a hneh a. Record dinglai tluk tura a Grand Slam title vawi 24-na lak tumin hmalam a pan.
Seeded number 9 Taylor Fritz nen an inkhel leh ang.