Lo neituten sorkarin dan a siam thar duh lohna an lantir thar leh tan mek laiin sorkar laipui chuan wheat thar chhuah tharte chu a leina man 2%-in a tipung.
Season thar atang chuan sorkar hian wheat hi quantal-ah Rs. 2,015 zelin lo neitute hnen atang hian a lei tawh dawn tihna a ni.
India hi khawvela wheat ei nasa ber ram pahnihna niin sorkar chuan a thartuten an hloh tur leh an sum hman zualpui phuhruk nan a man hi kum tin a bithliah thin.
Antam chi lei theihna hniam ber, minimum support price (MSP) pawh Rs. 400-a tipungin quintal-ah Rs. 5,050 talin kumin atang chuan hralh a ni tawh ang.
Sorkarin MSP a tihsan lai mek hian lo neitute chuan nikum lama sorkarin lo neihna kaihhnawih dan, farm law tia an sawi pathum a siam thar duh lohna chu lo neituten an lantir mek zel a. He dan thar hnuaiah hian lo neituten an thar chhuahte chu mi mal hausain an thunun mai dawn nia ngaiin an duh lo.
Sorkar hian dan hi siam that a nih tur thu an sawi a; mahse, lo neitute chuan a vaia hlih leh vek an ngiat ve thung.