YMA Sub-Headquarters, Lunglei chuan nimin khan hnam dang sumdawng hnena Mizo hming hawhtirtu nia an hriat mi 18-te lengah sawmin dan ang taka sumdawnna kalpui turin an sawm.
YMA Sub-Headquarters, Lunglei chuan July ni 15, 2023 khan Mizo hming hawha hnam dang sumdawng leh hnam dang dan lova sumdawng dapchhuah runpui neiin hnam dang, dan lova sumdawng mi 34 leh hnam dang hnena Mizo hming hawhtirtu nia lang mi 18 hmuhchhuah an ni.
Nimin khan hnamdang hnena hming hawhtir nia an hriat mi 18-te chu lengah sawmin inkawmhona an neihpui a. YMA Sub-Hqrs. President K. Lalfakzuala chuan kaihruaiin Pu Malsawmdawngliana, SEC Member chuan sumdawnna chungchanga Dan leh hrai sawiin, hnam dangte nena kan sumdawn tlannaah, kan ram leh hnam tan him lo leh inchimral theihna kawng awlsam a inhawn thin avangin, kan ram leh hnam himna tur ngaihtuaha ram leh hnam hmelma ni lo va, khua leh tui thra ni chunga dan ang taka sumdawnna kalpui turin a sawm.
YMA Sub-Hqrs. Lunglei chuan hming hawhtira hnam dangte sumdawnna tura lo puibawmtute chu kan ram leh hnam hmelma an nih avangin, chutianga hming hawhtirtute chu an thil tih bansan a, titawp turin YMA chuan a ngen tak meuh meuh a ni.