Aizawl: BJP Mizoram President Vanlalhmuaka’n Pathian leh mipui zarah an sorkar chuan Mizoramah BPL awm lohna state-ah kum nga chhungin an siam dawn tih chu Prime Minister Narendra Modi hova an thil tum a nih thu a sawi.
Nimin khan BJP Mizoram hian an party pisa-ah Friday political session hun an nei a. He hunah Vanlalhmuaka chuan kumin MLA inthlanpui lo awm turah BJP Mizoramin agriculture leh farmers welfare sector-a an hmathlir hrang hrangte a sawiin, Modi-a sorkarin kawng hmang neia lo neitute leh kut hnathawktute a kaihhruai avangin khawvelah India ram chu economic power-ah pangna an ni thei a. Kum 2028-ah chuan pathumnaah inhlan kai leh tum a nih thu a sawi.
Vanlalhmuaka chuan Mizorama mihring zaa 75 lo neitute leh kut hnathawktute tan sorkar laipuiin farmers scheme hrang hrangte a sawiah chauh ni lovin a taka hman tangkaia an dinhmun a taka chawikan a niha farmer-ten lei rem an rah theih hun hunah Mizoram chu thawhchhuah ngah ber state a ni tawh dawn tih sawiin, “India ram state zinga leiba nei tlem ber kan ni bawk ang a. BPL awm lohna state-ah Mizoram hi kan siam tawh dawn a ni,” a ti.