Veronika Kudermetova chuan a WTA title pahnihna a la a, Jessica Pegula lakah hnehna changin Pan Pacific Open-ah a champion.
Tokyo a final inkhelah hian a khingpui Pegula hi 7-5 6-1 in a hneh a. American mi Pegula hian set khatnaah game thum a a hniam nghal hnuah bei letin game nga ve ve an la hman a. Mahse hun pawimawhah double fault neiin world number 19 Kudermetova hian set hmasa zawk a la.
Set hnihnaah harsatna lian tawk zui lovin Russian kum 26 mi hian darkar khat leh minute 24 chhungin hnehna a chang.
World number four Pegula hian nidang a tluk lova, vuak dik atanga point hmuh vawi sarih chauh a neihlaiin Kudermetova hian vawi 17 a nei thung.
Kudermetova hi kum 2021 a Charleston a WTA 500 inelna a a champion hnua WTA Tour-ah a champion leh hmasak ber a ni.
“Jessica hi player tha tak leh tang thei tak a ni a, hei vang hian inkhel hautak tak hmachhawn turin ka inbuatsaih sa a ni. Ka title pahnihna a ni a, chuvangin ka chhuang hle. Kan inkhelh danah pawh ka lungawi hle a ni.” tiin a champion hnuah a sawi.