Paris Saint-Germain in hnehna chang ve lehin Rennes lakah goal thum an khung a. Wing-back Achraf Hakimi chetthat zanah 3-1 in Stade Rennais an hneh.
Roazhon Park a inkhelah hian PSG in Clermont Foot laka goal an khung theih loh hnuah Newcastle United lakah a tlawm leh bawk a, hei vang hian chak mamawh takin inkhel bul an tan.
Minute 32-naah Ousmane Dembele siamsak atangin Vitinha chuan goal a khung a. Achraf Hakimi chuan minute li hnuah khung belhin second half-ah Amine Gouri hmangin Rennes in goal an khung ve a. Mahse minute hnih hnu lekah right back Hakimi pass tha atangin striker Randal Kolo Muani chuan an goal thumna a khung a ni.