Tournament atana tling chiang tawh Portugal in hnehna an chang chhunzawm a, match kua atang chak vek turin 2-0 in Liechtenstein an hneh.
Ningani zana Rheinpark Stadion a inkhelah hian Portugal tan kum 38 mi Cristiano Ronaldo chuan goal a khung a. Euro 2024 qualifying-ah Belgium striker Romelu Lukaku nen top scorer an ni mek.
An tling chiang tawh chungin Portugal manager Roberto Martinez chuan a player pawimawhte chawlh hahdam tir lovin a chhawr a, mahse an khingpui, team nem zawk tura ngaih lakah football tha khelh an harsat.
First half a goal an khung loh hnuah second half tan veleh Diogo Jota ball tha pek atang Ronaldo-a’n goal a khung a. Minute 11 a liam leh hnuah João Cancelo chuan goal dang a khung.
Group A-ah Spain hmahruaitu nih a qualifier khelh zawh an hnaih sawt a, Cyprus lakah 3-1 in an chak.
Spain manager Luis de la Fuente chuan player langsar chawlh tir nual chungin kum 16 mi Lamine Yamal a chhawr a, minute nga naah goal a khung nghal.
Mikel Oyarzabal leh Joselu ten Spain goal dangte an khung.