Priyanka Chopra leh Nick Jonas te chuan fatir atan hmeichhia an nei ta a, zirtawpzan kalta khan Instragam kaltlangin khawvel hriatah an puang.
Instagram-a follower mtd. 74 chuang neitu Priyanka chuan, “Chhul hawh tir kaltlangin naute kan neih theih vangin kan lawm hle a ni. He hun lawmawm takah hian chhungkaw thila rilru kan sawrbingna tur a nih dawn avangin mimal thil te min zahsak hram turin kan ngen che u a ni,” a ti.
Fa an neih thu puanzar a nih chiah khan mipa nge hmeichhia, tih ah inrinsiakna a tam hle a, official-a puanzar a nih loh avangin thawm a riring hman hle. Mahse, source hrang hrang tarlan danin, hmei-chhia, tih a ni.
Chopra (39) leh Jonas (29) te hi 2018 khan India-ah ropui takin ni thum chhung inneih lawmna an hmang. 2017-ah in tawng-in, thla li chhung an inzui hnu-ah pumkhatah an insiam a ni.
Nick te nupa hian fanau an awh thu hi tunhma lam pawh khan an lo sawi-chhuak fo tawh thin a. A tak ram an thlen mai loh vangin mahni kalna lam hnaa buai dun ve ve te chunga thil thleng hian mi tam tak a barakhaih.