Serchhip Ba- wrhsap, Competent Authority for Land Acquisition (CALA) David Lal- thantluanga’n nimin khan NH 54 kawngpui Mual- pui Chhingchhip VC area, Venghlun Chhing- chhip VC area, Chhiahtlang North & South VC area te tlawhin, National Highway 54 kawng cheithat meka NHDICL te hmalak dan a enfiah.
Sorkar thuchhuahin a tarlan danin NH54 kawng laih mekah hian Serchhip district huam chhungah sorkarin ram a lak fel tawh, compensation daw- ng tawh zinga zaa 93 chuan an in te an thiat fel tawh a, chhan hrang hrang avangin compensation la tawh zingah mahni in la thiat ve lo an awm.
Kum 2018 leh 2019 khan Bawrhsap chuan 3D notification tichhuakin compensation dawng tur te chiang takin a tarlang tawh a. Heng mi te hian compensation an dawn fel tawh avangin an ram te chu sorkarin dan angin neitu nihna a nei fel tawh a, tluang taka hnathawh chhunzawm a nih theih nan hun tiam chhungin mahni in thiatfel vek tawh tura beisei an ni. Zangnadawmna la tawh zingah in thiat lo an la awm avangin kumin July leh August thla khan Magistrate ten an in ah ngei kalchilhin an in te thiat tura thupek pawh an lo pe tawh tih sorkar thuchhah chuan a tarlang.
In te thiat tura thupek dawngtute chuan thupek zawm lova, an in te an lo thiat lo a nih chuan sorkar chuan dan anga hmalain dan tlawhchhanin thubuai a siamsak dawn a. Hetiang thil hi a thlen loh na turin compensation da- wng tawh, in thiat tura hriattirna pek tawh zingah mahni in thiat lo an la awm chuan Bawrhsap chuan thiat vek turin a chah nawn leh a ni.
Chhingchhip leh Chh- iahtlanga National Highway Monitoring Committee member te chuan Ba- wrhsap chu tawiawmin kawngpui laih meka har- satna awm te, khawtlang mipui lam mamawh te an thlen a. Bawrhsap chuan an thuthlenah te danin a phal chin ang zela hma- lakpui a tum thu a sawi.
Khawtlang leh ram- in hma a sawnna tur leh kawngpui tha an neih theihna tura sorkar hmalakna te tawiawm turin Bawrhap chuan mipuite chu a sawm a. Kum thar March thla tawpah kawngpui chu hawn hman ngei tum a nih avangin hman- hmawh taka hmalak a tul thu sawiin, “theihtawpin i tang tlang ang u”, tiin mipuite chu a ngen a ni.