Karleh a neih tur UFC Fight Night-ah main event a inlan tur Dan Hooker a inhliam avangin lightweight fighter Jalin Turner chuan a thlak dawn a, Bobby Green nen an intum ang.
UFC CEO Dana White chuan Turner hian Hooker hi a thlak dawn tih a sawi chiang a. July thla khan an pahnih hian intumin Hooker hi split decision in a chak.
Hemi tumah hian Hooker hian a ban a ti tliak a, a hliam hi tunhnaiah a dam chian loh avangin a inlan thei dawn lo a ni.
Turner hi 13-6 record nei a ni a, tunhnai a inlan hnuhnung pahnihah tlawm mahse hemi hma hian a zawnin vawi nga a chak.
A khingpui tur Green hi 31-14-1 record nei a ni a. October khan Grant Dawson lakah hnehna changin a zawnin vawi hnih chaklai a ni mek.