UFC featherweight champion Alex Volkanovski chuan February hian a champion kawnghren humhim turin Octagon a lut dawn a, amah chotu Ilia Topuria nen UFC 298-ah an intum dawn.
Zirtawpni zing khan UFC CEO Dana White chuan California a February 17 a inelna an buatsaih turah 145 pound title inchuhna tur hi a puang a. Fighter pahnihte hi intum tura tihfel an nihna rei deuh tawh mahse a hun leh hmun tur nen puan chian a ni chiah.
26-3 MMA record nei Volkanovski hi October thla khan lightweight-ah chhovin champion lai Islam Makhachev a hmachhawn a, round hmasa berah knockout in a tlawm.
Makhachev hi Charles Oliveira hmachhawn tur a ni a, mahse Brazilian fighter a inhliam avangin Volkanovski hian chawpchilh takin Oliveira hi a thlak a ni.
Australian fighter hi Makhachev laka a tlawm vawi hnihna nimahsela a champion-na huang chungah a nih avangin 145 pound thununtu a la ni reng.
A khingpui tur Topuria hi kum 26 mi chauh niin khawvel mixed martial arts a featherweight fighter hmasawn chak leh hmabak nei eng tak a ni a. Vawi 14 a inel tawhah a la chak vek.
Spanish khua leh tui a ni a, Georgia thisen kai niin June thla khan round nga chhungin featherweight contender zing ami Josh Emmett a thunun hneh hle.