India leh Australia ten Twenty20 match vawi nga khelh tur series a match hmasa berah India in ball hnuhnung berah hnehna an chang a, wicket hnih in an chak.
Ningani zana Visakhapatnam a inkhelah India in over hnuhnung berah ball thum atang wicket thum an hloh a, chak tura run hnih chauh an mamawh tawh laiin India an talbuai.
Rinku Singh chuan ball hnuhnung berah six runs a vua a, mahse no-ball phar a ni a, India in a mamawh run erawh nei ta thovin chak tura run 209 an mamawh chu over 20-ah an tlin chiah a ni.
India tan captain Suryakumar Yadav chuan ball 42 atang run 80 a siam a, Ishan Kishan chuan run 58 a siam bawk.
Australia tan World Cup final a inlan dang pahnih Josh Inglis leh Steve Smith te an che tha ve thung a. Inglis hian ball 50 atang run 110 a siam a. Smith-a’n ball 41 atang run 52 a siam ve thung.