Mizoram Assembly inthlnaa vote tlate chhiar turin mi 4,000 chuang ruat an ni tih leh zing dar 8 atangin vote chhiar tan a ni dawn tih Additional Chief Electoral Officer H. Lianzela’n a sawi.
He thu hi nimina vote chhiar huna media centre kaltlanga chak leh awmze nei zawka result puanzar dan tur sawiho neihah a sawi chhuak a. Lianzela sawi danin Mizoramah counting centre 13-ah counting hall 40 a awm dawn a, hemiah hian EVM table 399 leh postal ballot table 56-ah te counting personnel 4,000 chuangten zing dar 8 atangin vote an chhiar tran dawn a ni.
He thutkhawm ICT Conference Hall-a neihah hian electronics media – DDK, AIR, LPS leh Zonet aiawhte an tel a, result puan zung zung a nih theih dan turte sawihoin, counting centre tinah interview booth siamte an rel a ni.
Thutkhawma tar lan a nih danin counting centre tinah media centre a awm dawn a, hemi atang hian information pek chhawn thin tur niin media-ten anmahni ruahmanna siam kaltlangin result an puangzar zung zung thei dawn a, district tin DEO ruahmannain media centre hi buatsaih a ni dawn.