Ducati rider Francesco Bagnaia chuan tun season intlansiak hnuhnung ber Valencia Grand Prix-ah hnehna a chang a, world championship a a elpui Jorge Martin a chetsual bawk avangin a zawna kum hnih nan MotoGP world champion a ni.
Circuit Ricardo Tormo a intlansiakah hian Pramac Racing rider Martin leh Honda rider Marc Marquez te lap 6-naah an intai a, chesual zuiin an tlan chhunzawm thei tawh lo ve ve.
Martin-a’n point a hmuh belh theih tawh miau loh avangin Italian rider Bagnaia chu a champion chiang tawh a. A elpui a tlan zo thei lo tih a tawpa hre chauh mahse hnehna a chang ta tho.
Bagnaia chuan, “Ka lawmna hi sawi sen a ni lo. Ka champion avangin ka hlim tak zet a, intlansiak tawp berah world champion ni chiang tura ka chak bawk pawh hi thil lawmawm tak a ni.”
“Vawiin thil thleng avangin ka chak kher kha ngai lo mahse world champion ni tura hnehna han chan bawk hi ka duhthusam dan a ni thin.” a ti.