- Dr. C. Lalrampana
A KAMKEUNA
Mizovin chawhmeh atana kan hman tangkai em êm thin khuanglawi hi a genus chu lactuca a ni a, Indian lettuce tiin an ko tlangpui thin. Zokhaw lama chengte chuan chawhmeh atan an hmang tangkai hle thin. Chawhmeh tui tak tia hahipa han sawi tur ni lem lo mah se, thal chawhmeh van zual lai phei chuan sa ang maia chaw ei tituitu a tling ve hial thin. Khuanglawi hi China khawthlang (xinjang,Tibet), Himalaya leh Asia chhim thlang leh turkey velahte an hmel hriat hmasa a, chumi hnuah Africa khawchhak leh Japan-ahte lo darh zelin buh karahte an ching thin a ni.
Khuanglawi hi damdawi atan a tha ve hle a, a kungte leh a hnah leh a hnaite hi hman rangkai a ni tlangpui A hnah helah hian Protein 1.5% fat 0.4% carbohydrate 2.2% Ash 0.7% a awm a, chhum hmin hnuah Protein 0.6% fat 0.1% carbohydrate 2.1% ash 0.5% a awm thung. A helah hian chakna a tam zawk tihna a ni. A thatna hrang hrangte chu hetiang hian tarlang ila:
- Mut chhuahna damdawi alprazolam chikhat atan a hnah hi a tha êm êm a, mutthilh lama harsatna insomnia nei tan a hnah chhum tui in thin a tha.
- Rilru lama buaina neite (depression) tan leh anxiety nei tan a hnah densawm tui in thin hi tha hlea ngaih a ni.
- Hritlang Khuh leh hrawk za leh khuhhip atan damdwi tha tak a ni.
- Singsihlip nei tan a hnai hnawih hi a tha hle a, singhlip zai pilhah hnawihin tuam hnan thin tur a ni.
- Ruhchultuah na atan khuanglawi hi a tha a, a zung leh a kungte nena sahsawm pawlhin a tui in thin hi a tha hlea ngaih a ni..
A TLANGKAWMNA
Pathian hian kan Zoramah hian damdawi tha tak tak a dah a, hengte hi kan hman tangkai thiam chuan hrisel nan leh damrei nan tangkai takin kan hmang thei a; mahse, a hman danah awmze nei tak leh fimkhur taka kan hman a ngai a ni. Ramhmul damdawi pawh ni se, alova luata ei leh hman a nih chuan allopathy ang thovin nghawng tha lo a nei thei vek a ni tih kan hriat reng a tha hle.
Khuanglawi pawh hi ei lutuk chuan mutchhuak, nguaina leh chauhna a thlen thei tih hriat a pawimawh hle. Eng damdawi pawh ni se physician-te’n ei dan tur tawk leh ei hun chhung tur an sawi ang thlap thlapa ei thin hi a tha ber tih i hre reng ang u.