Manchester City tlarhnungin Lois Openda an ngam loh zanah an player langsarte chhanchhuaktu atan an mamawh a. 3-2 a RB Leipzig lehthal in match nga atangin hnehna an la chang vek.
Thawhlehni zana Etihad Stadium a Group G inkhelah hian City in Belgian forward Lois Openda hi first half-ah dang hleithei lovin minute 13-na leh 33-naah goal a khung.
Second half-ah erawh City insiamtha in Julian Alvarez leh Jeremu Doku te dahluh an nih hnuah an danglam a, striker Erling Haaland a hlauhawm sawt.
Haaland hian minute 54-naah an goal khatna khungin Champions League chanchin goal 40 khung rang ber a ni a, match 35 chauh khelh a mamawh.
Doku-a ball tlan luhpui hlauhawm thin atangin Phil Foden-a’n an goal hnihna a khung ve leh a. Huintawp hma in Julian Alvarez chuan an chakna goal Foden-a ball siamsak atangin a khung ve leh bawk.
An group atang hian Leipzig nen hian tling chiang tawh an ni a, inkhel lehlamah Young Boys in Red Star Belgrade chu 2-0 in an hneh ve bawk a. Europa League khel tura ngaihtheih an ni tawh.
Swiss club tan Lewin Blum chuan goal khungin Kosta Nedeljkovic own goal an nei bawk.