Tunhnai khan Mizoram Police-in Aizawlah ruihhlo Methamphetamine kg 20, Rs. vaibelchhe 603 leh nuai 24 man hu an man.
Thudawn danin, Mizoram Police te chuan an thudawn bawhzuiin November ni 24 tlai khan ruihhlo phurhna nia an hriat Bolero chu Dam Veng huam chhunga a tlan laiin tidingin an dap a, Methamphetamine thahnem tak an hmu chhuak a, heng ruihhlo hi a vaiin kg 20 niin, Rs. vaibelchhe 603 leh nuai 24 man hu nia chhut a ni.
Police-te hian ruihhlo neitu nia puh, Bolero khaltu C. Lalramthara (30) s/o C. Lalthlamuana, Ebenezer Road, Chawnpui Aizawl chu an man nghal bawk a, heng ruihhlo hi Myanmar atanga lak luh nia thudawn a ni.