Khawzawlah Krismas leh kumthar vuakveta dan leh thupek kenkawh dan tur chungchang ngaihtuahin Inrinni khan Khawzawl Bawrhsap K. Lalrohlua hovin a kaihhnawih mipawim- awhte an thukhawm a, ruahmanna hrang hrang siam in, Ruih- hlo dona turin Baw- rhsapin Joint VC leh SP te hnenah Rs. 10,000 ve ve a hlan.
Bawrhsap hova thukhawm chuan hunpui vuakvetah puakthei thil – silai lem, a mu nei, halpuah, halmawi, sky lantern leh a dangte khap leh tur a nih thu an sawi a. Sub Divisional Officer (Sadar) chu kh- apna thupek tichhuak turin an ti.
Police ten Khaw- zawl khawpui chhung hmun 3 ah duty post siam tura ruahman a ni a, a bak zawng VC ten NGO-te nen duty post an siam ang a. Awlsam zawka information inpek a nih theih nan duty post-a mawhphurtute contact no. pathum Bawrhsap hnenah report ni se, an ti.
Village Defence Party (VDP) tuaithar leh tur leh mahni veng theuha lo duty ve tura ngenna pawh DC Office atanga siam ni se, an ti a. Duty-na tur hmun chu VC te kuta dah ni se, an ti.
Mualvawm leh a chhehvel enkawl turin SP leh Darngawn VC te an ruat a. Mualva- wma khelmual pawh ni 25-26 leh 31 Dece- mber, 2023 leh ni 1-2, January, 2024 tlai dar 2 – 5 thlenga ha- wng thin tura KZDFA te ngen ni se, an ti.
Zuk leh hmuam leh eitur te kenluh khap tur a nih thu an sawi a, ground venhim pawh KZDFA te kutah an dah. Mualvawma bridge enhova cheithat dan ngaihtuah turin DC Office leh Darngawn VC te an ruat bawk.
Khawzawla hmun pawimawh Helipad tlang leh a chhehvel te Zuchhip VC leh ZPM Tuichang North Block thalai ten an lo tihfai tawh avangin committee chuan lawmthu a sawi a. Hunpui vuak- vet chhungin Mualvawm chhehvel hmun hrang hrangah UD& PA Dept. ten bawlhhlawh bawm dah tur leh a tihfai leh pawh lo buaipui tura ruat an ni a. Helipad leh a ch- hehvel hnim leh thing awm te tifai turin BDO te ruat an ni.
Duty post hrang hrang te hunpui vuak- vet chhungin Magistrate leh Police ten tlawh thin turin an ti a. Committee chuan Khawzawl mipui ten hlim tak leh thlamuang taka hunpui an hman an duh a, amaherawhchu ruihhlo leh dan phallohte chu khauh taka khap tlat ni se, an ti bawk.