Russia chhim lama tuialhthei an dah khawlna hmun chu nasa takin a kang a, thuneitute chuan Ukrainian drone-a kah fuh vang a nih thu an sawi.
Russian chanchinbute chuan meiin oil tank pali a man a, sq metre 1,000-a zau zet a kang ta niin an tar lang.
Bryansk region-a Russian thuneitu chuan tumah na an awm lo niin an sawi.
Bryansk governor chuan drone hi Klintsy khaw bulah kah fuh a ni a, a tla chu oil depot-ah tla fuhin a puak ta niin a sawi.
Tun tum hi ni hnih chhunga drone hmanga Russian tuialhthei hmunpui beih a nih vawi hnihna a ni tawh.
Ningani khan Russia khawpui pahnihna, St Petersburg-a oil loading terminal pui ber chu kah fuh a lo ni tawh.
Russian-te chuan drone hi engmah khawih pawi lovin kah thlak a ni a; mahse, Ukrainian ramri bul mai atangin Kyiv-in a kah niin an sawi.
Ukraine Strategic Industries Minister Oleksandr Kamyshin pawhin, “Nizan khan kan tum kan fuh a. Km 1,250 zeta hla a mi a ni,” tiin Ningani khan a sawi.